الخميس، 7 نوفمبر 2013

الثورة موضه

الموضه كانت كلمه تتقال عن لون اللبس او شكل اللبس او قصه الشعر او الاحذية لكن دلوقتي الموضه بقت فكر و رأي.
من بعد ثورة تونس وطلعت موضه الثورة والثوار كلو بقي بيعمل اي حاجه عشان يتقال عليه ثوري حتي لو مش فاهم معناها ولا عنده مبادئ الثورة والحرية او مقتنع بمبادئ الحرية.
بلاقي ناس مبتفهمش اي سياسة ولا معني الحرية وتقول علي نفسها انا ثوري.. طب ايه مبادءك يا عم انت؟ - انا ثوري ...  
وده خلق نوع من العدوانية والاعتراض الدائم بقيت بحس اووي  كلمة سعيد صالح فالمسرحية لما قال "انني اعترضت معرفش بعترض علي ايه بس انا معترض وخلاص" بجد الموضوع بقي ماسخ .

المشكلة بقي فالناس اللي مسمين نفسهم ثوريةن دول بيرفضوا دايما الرأي الاخر و لو اتنين دخلوا فنقاش هيتحول فالاخر لشتيمه و خناقة وطبعا دا مفهوش معني للحرية ولا الديمقراطية نهائي ومعظم اللي بيقول بطلب الشهاده دول ميعرفوش معني الموت ولا حاسبين حساب لربنا طــول عمرهم.

بالنسبالي الثورة يعني تشي جيفارا و جمال عبد الناصر بجد الاتنين دول عشـــق حياتي و بحترمهم وبتمني اطبق افكارهم وطريقتهم فالحياة والسياسة .

في ناس كتير من النوع اللي واخد الثورة موضه وشفت كتير من النوع دا بس مش معترفين بيه... كن صريح مع نفسك هترتاح وتريح اللي حوليك.

هناك تعليق واحد: