وداعا 2014 ....

ومنين ابتدي الحكاية.....
سنه 2014 بجد سنه غريبة و مريبة و سعيدة و حزينة
فيها حصلي احداث كتيير يمكن مكنتش فيوم اتخيل هتحصلي
 خسرت ناس و كسبت ناس و حبيت ناس و كرهت ناس, عملت حاجات نفسي فيها و حاجات متخيلتش هعملها فيوم من الايام
اشتغلت 3 شغلانات كل واحده غير التانية (خدمه عملاء - تأمين - عقارات)

السنه ابتدت بيوم مميز مع صحابي ليله رأس السنه وبجد انبسطت اوووي فيه و بعديها حصلت حاجات كرهت الشغل بسببها و قررت اسيبه و اغير فكرة الشغل لسيلز اوت دور و روحت GIG  ...

ياااااااااه ذكريات GIG  كتير من ناس عرفتها و بهدلة فالشوارع و مواقف حصلت و مشاكل و حوارات و لحظات حلوة و حاجات ابتدت و انتهت و حاجات ابتدت وان شاء الله مش هتنتهي.
فالشركة دي فهمت و عرفت و شفت حاجات كتير جديدة عليا و علي شخصيتي و مع كل السنين اللي عشتها بس 4 شهور اللي عشتهم في GIG  يساوي عمري كله من اللي شفته في حياتي واعتقد مش هشوف اكتر من اللي شفته دا.

و يعدها اتنقلت للعقارات مع وجع قلب ووجع داغ طلعت بيها من GIG  بس اهو بتأقلم و ان شاء الله الدنيا تكمل و تبقي تمام.

فالسنه دي اقرب ناس ليا اتجوزت و خلفت و اتخطبت و في اللي فسخت و ناس كانوا بعاد عني و رجعنا قربنا و ناس كنا قريبين و بعدنا ..
السنه دي شفت ناس علي حقيقتها منهم اللي طلع زباله و منهم اللي طلع بنأدم نضيف.

السنه دي ليا فيها ذكريات كتير مع صحابي من عيد ميلادي لخروجات و اعياد ميلاد و حفلات و لمتنا يااااه بجد كانت لحظات حلووووة و فكرها زي ما هي و حاله انتعاااش بتجيلي كل ما اتفرج ع الصور.

بالنسبه للحاجات اللي كان نفسي احققها فمتحققش منها كتير واكتر حاجة وجعاني اني كان نفسي اطلع عمرة السنه دي  بس ربنا مش
كاتبهالي.

جوايا كلام كتير عنك يا 2014 ذكريات حلوة و مرة وعن حب و كره  عن تغيير حصل في حياتي و في شخصيتي كنت فعلا بتمناه في مدونتي 2013 ارقدي في سلام السنه اللي فاتت.

2015 اتمني تكوني سعيدة و احقق كل اللي بتمناه بجد و اهم حاجة متبعديش عني الناس اللي بحبها ....

ليــــتـــــك ...

ليتك بين احضاااني ..

ليتك بين احضاني لامضي ايام وليالي ابكي ثم افرح ثم انام ثم انسي احزاني

ليتك بين احضاني اتنفس عطرك واتجلي في احزاني بين يديك و اضلاع صدرك ثم انسي احزاني.

ليتك بين احضاني ليل نهار بعيدا عن الحزن ... بعيدا عن كل ما يلهيني عنك .

ليتك تحبني و تتمناني كما اتمناك كل ليله .

ليتك بين احضاني يا اعز احبابي.

#احبك

#تخاريف_اكتئاب

عن قتل القطط والكلاب في الرحاب #مذبحة_الرحاب

هو ازاااااااي حد عنده قلب او ضمير او بنأدم اصلا و يحط سم للكلاب و القطط في الشوارع !!!
منتهي القسوة ومنتهي التخلف و بسم قوي زي سم #سم_الاستركنين
عملتلك ايه القطه ولا الكلب في الشارع عشان تحطلها سم و يفضل الحيوان يتألم ساعه قبل ما يموت

ياخي  الرسول جعل الرحمة بالحيوان بابًا من أبواب الأجر ودخول الجنَّة و القسوة معها سببًا لدخول النّار !!

وافتكر يا اقذر مخلوقات الارض  الحديث النبوي
 «عذبت امرأة في هرَّةٍ سجنتها حتى ماتت، فدخلت فيها النّار، لا هي أطعمتها ولا سقتها إذ حبستها، ولا هي تركتها تأكل من خشاش الأرض»

و كمان بقي ايه زنب عامل النظافة اللي يجي يلم القرف دا من الشوارع  يشم ولا يلمس كميه السم دا ولا الناس اللي بتفرز الزباله ولا الاقسي من كدا الغلابه اللي بياكله من الزباله

بجد اللي بيعمل كدا انت اللي حيوان و تستحق الاعدام بنفس السم دا.

وبما ان تنص المادة 357 من قانون العقوبات المصري علي انه يعاقب بالحبس مدة لا تزيد على ستة أشهر أو بغرامة لا تتجاوز مائتي جنية كل من قتل عمدا بدون مقتضى أو سم حيوانا من الحيوانات المستأنسة... أو أضر به ضررا كبيرا .
اتمني الحكومه تحمي الحيوانات بما انها مش قادرة تحبي البشر.

بنت عايشة بدمغها

مشكلة البنت اللي بتهزر كتير و بتضحك كتير و ليها صحاب كتبر انها دايما بتتفهم غلط و بيشوفوها بقي  تافهه و سطحية او ممكن هبلة .

دا غير كائنات تانية بتشوفها شمال لمواخذه .

وتعالي بقي ع الامور اللي ماشي يحب ع نفسه اللي فجاءة يلاقي نفسه بيحبها و لما يقرب منها و يعرفها يقول لا مكنتش كدا ايه اللي غيرها

بصوا بقي البنت اللي بتهزر دي كل الحكاية انها بتبقي جواها  نكد فبتطلعه فالضحك و الصحاب و الخروج و التنطيط  او ممكن بتكون شايفه الدنيا صح وانها متسواش فعايشها بالطول والعرض

السادة الافاضل لو انت شايفها شمال دا لان سيادتكم تفكيركم شمال

 اما لو شايفنها تافهه و سطحية فدا لانكم فعليا سطحين و مش بتحاولوا تعرفوها حقيقتها ايه

 و الاخ اللي بيعجب بالشكل و الظاهر احب اقلك ان البنت دي بتبقي جواها حب و حنيه يكفي بلاد بس للي يفهمها و يقدرها مش يخنقها و يكدرها و يحب ظاهرها...

و في الاخر احب اقول لكل واحد بيفتح بقه ع الفاضي و المليان طظ فيكوا و الحياة فيها اهم بكتييير من اني اسمع لكلام دا و دا.

مأساة قلب

عندما يكون القلب هو القائد تكون الهزيمه اكيده.

تبدأ المعاناه للشخص حين يتحكم قلبه في اموره الحياتيه.
فنجد القلب لا يقسي ولا يخطط فهو يسامح ويغفر ويتناسي ويعشق ويحلم ويضعف و يتألم لمن حوله قريب كان ام بعيد.

 حين تحكم قلبك بامور حياتك فاعلم انك ستعيش حزين دائما لانك تتأثر بكل شئ حولك.
حين تحكم قلبك اعلم انك ستعيش مهموم دائما لانك تشعر بهموم واحزان من حولك.
حين تحكم قلبك اعلم انك ستنخدع كثيرا لانك تراهم بطيبه قلبك وليس بخيث عقلهم.

اين انت ايها العقل ؟! اين انت ايها القوي الخبيث القادر علي الفراق والتخطيط واللؤم والخبث.

لقد امتتنع الكثير من البشر التعامل بقلوبهم فزادت الحروب و زاد القتل والاغتصاب وابشع الجرائم وكثرت المعاناه و الظلم و القهر. فقلد اصبح البشر اقوي من الحديد لا يمكن كسرهم فلقد ماتت قلوبهم واصبح العقل الخبيث هو المتحكم فهو جيد في التخطيط و القسوة و اللؤم.

 لا اريد ان اكون مثلكم ولكني لا استطيع التعايش معكم !!

وداعا Egyption Takaful

بالرغم اني مقعدش كتير فالشركة دي بس بجد الشغلانه والناس اللي عرفتهم سابوا تاتش كبيييير فيا وفي حياتي
خليني ابتدي بـ Amira Ossama حبيببببببتي البنادمه اللي وقفت جنبي وشدت بايدي فكل وقت من اول يوم فالوقت اللي مكنش ليا مدير ولا صحاب جوايا الشركة هيا كانت كل حاجة واتعلمت ع ايدها بجد بحبها اوووووي ومن الناس اللي عمري ما هنساها مهما طال بيا الزمن

@ahmed reda اهو دا بقي بجد صديق الكفاح اللي طلعنا سوا خطوة خطوة واتبدهدلنا واتمرمطنا وحرقنا سواااا كتييييرر

Mohamed Abou Taleb بابتتتتتتي حبييييبي دا بجد دهري وبجد ساعدني فحاجات كتيييير ووقف جنبي جدااااا ربنا يخليك ليا يا بابتي وميحرمنيش منك
Mohamed Said يا مستتتتتتر مش عارفه اقولك ايييه الا انه يارتني كنت معاك من اول يوم جيت الشركه فعلا كانت هتفرق لان فالفترة القليلة اللي بقيت معاك اتغيرت حاجات كتير .. كفاية اني بقيت اقول لكل الناس صباح الفل بتاعتك دي

والناس التانية اللي عرفتها وبجد فرحاااانه اووووي بمعرفتهم وكل واحد فعلا سايب تاتش معايا سوا حلو او وحش ...... الكابتن المشهور بالكداب اووووي Mohamed Wafy ولاناااااا ام قلب ابيييض Rana Magdy وصديقة الضياااااع موووزتي Reem Mohamed والالشجي ابو دم تقيل جدااااا Hossam Elfakhrany وحبيبتي العسوووولة والطيووووبة Bosy Mahmoud وشوشوووووو الطيوووووبة جدااااااااا Shereen Eldreny والاختين الحلوين هناء وشيرين Amira Ibrahem Mony Sakr والام الجدعة Marian Fayek وزميل الكفاااح والبهدلة Ahmed El Mahdy ومنوووونه للي شالت قرفي فحاجات كتييييير Menna Nour Degwy
والبنوتييييين الجداااد اللي لسه عارفهم من اسبوعين بس بجد كأني اعرفهم من سنيييين وحبيتهم اووووووي ,Rana El Boghdady Omnia Hassan

الحب اعمي

اد ايه الحب ممكن يبقي اعمي ... اد ايه الحب فعلا بيخليك تتحول لشخص تاني
بلاقي ناس بتعمل حاجات فمنتهي الغباء وهي بتبقي عارفه انه غباء بس بتعمله بانشكاح وارتياح لانها بتحب !!

الحب بيخليك تنسي كرامتك ..
الحب بيخليك تعمل حاجة مش بتحبها ..
الحب بيخليك تعمل حاجة ضدد مبادئك ..
الحب بينسيك العالم كله ..
الحب بيخليك تبيع العالم كله عشان اللي بتحبه ..
الحب بيحولك لعبد ..
الحب بيكسر ..
الحب بيجرح ...

الحب مرض !!
... يارب ماحبش ولا تعلق قلبي بحد .....

ضدد التحرش

التحرش ليس الا نتيجة لكبت جنسي و ضغط نفسي من مجتمع جاهل و بكل اسف دائما ما تدفع المراة في مثل مجتمعنا الشرقي ثمن الجهل دائما.

فدعنا نكون صريحين قليلا و اوجه هذه الكائنات الغير ادمية سواء المتحرشين او من يبرر لهم فعلهم القذر ...
فاذا كانت ملابس الفتاه هي سبب التحرش فيجب ان تكون اوروبا وامريكا اعلي نسب تحرش ولكن نجد ان افغانستان ومن بعدها مصر هم اعلي نسبة تحرش في العالم و ايضا من اعلي البلاد بالبحث عن كلمة sex  في جوجل (شعب متدين بطبعه طبعا ).

واذا اخدنا في اعتبارنا ان سبب نزولها في الشارع او تاخرها هو سبب التحرش فدعني اقول لك (تييت امك ) لانه قد يستدعي ان تنزل الام او الاخت او الابنه لاي ظرف في اي وقت ولاي مكان سواء كان لعمل او لدراسة او لموقف ما (احنا مش فعصر سي السيد يا روح خلتك).

ايها الحيوان المتحرش ... روح منك لله.
ايها المبرراتي المتخلف .... روح ربنا يردهلك .
ايها المجتمع الجاهل ...يكش تولع او تتفجر .
ايتها الفتاة المصرية .. شدي حيلك انتي الاقوي وانت الابقي.

عـــــــادي

- باعوك !؟
- عادي ..

- هو ايه اللى عادي ؟
- العادي انهم يسبوني فى اكتر وقت انا محتاجلهم فيه
،العادي انهم ينسوا اللى كان بينا بسهوله،العادي انهم يوهموك بحب وحياة حلوة وبعد ما تتعلق بيهم يسيبوك
،العادي انك متلاقيش حد يطبطب عليك..مع انك بتطبطب على كله!

عرفت العادي ؟ عرفت المرحله اللى وصلت ليها ؟عرفت ان اللامبلاه حلوه؟

- للدرجة دي مستحمل وشايل جواك؟
- واديني طلعت اللى جوايا ؟ ها ؟ ايه اتغير ؟خليني ساكت !

- بس انا جمبك انا مش زيهم !
 - كل اللى راحوا قالوا كدا ،معطلكش بقي ..

يوم جديد

انهارده من اسعد ايام حياتي مش عشان خرجت وضحكت وانبسط زي باقي الايام الحلوة لا لا خاااالص السعادة انهارده مختلفة  ... انهاردة يوم حلوووو وجديد ومختلف .
بقيت في تيم جديد فالشغل في مكان جديد مختلف و جو شغل اقووووي.
شغل جديد .. تيم جديد .. مدير جديد .. مكان جديد .. حب جديد .. وكله جديد فجديد وانا مبسووووطة :D :D.

انهارده 31 مايو 2014
يارا جديدة وهتنسي الماضي نقطة ومن اول السطر ... بداية جديدة ... حياة جديدة .... بسم الله الرحمن الرحيم :) 

حين تتحطم الاحلام

ابدأ يوم جديد بامل وابتسامه ..اريد تحقيق هدف  واسعي لفعل ذلك ولكن يشاء الله ان يحدث عكس كل ما اخطط له فاجد نفسي تائهه في ظلمات وخبايا هذه الدنيا.

هذا ليس حال يومي فقط ولكنه حال احلامي التي دائما اخفق في تحقيقها ... نعم لقد فشلت في تحقيق جميع احلامي فحلم الدراسة انتهي في ومن ثم فشلت في الحب و فشلت ايضا في تحقيق هدفي في حياتي المهنية وفشلت في علاقتي باصدقائي !!
فانا اري نفسي الان اقف علي  شفا حفرة وساغرق في نارها قريبا.

فانا اعيش في عالم خيالي لا يوجد به غيري وفيه احقق كل ما اريده واخطط له في الواقع ولكن سرعان ما اعود للواقع لاجد نفسي بكل الاسف فاشلة.

التغيير مطلب دائم

الكثير ممن حوالي يتسالون لما اوقفت كلامي في السياسة واصبحت بعيدة عنها وعن دور الناشطة السياسية الذي كنت امارسه ؟؟ ويتسالون هل فقدت الامل في هذا البلد ؟

الاجابة هي لا ... كل ما في الامر انني رأيت ان الطريق الذي اسير فيه خاطئ ويحتاج الي التعديل لانه لم يرجع لي النتيجة المطلوبه كمل يقال (بنفخ فاربة مخرومة) فانا اعلم ان تغيير البلد لن يكون بالرئيس او من الحكومة ولكن التغيير يبدأ من كل شخص مننا.

 لذلك قررت ان اغير مساري لاني اؤمن تماما ان التغيير يبدأ من الذات وليس من الكل .. فاذا استطعت التغيير من نفسي  ومن بعد تغيير من حولي  فسوف يؤثر ذلك عل كل من حولي وفي كل من حولهم.

في العموم اراي ان مبدأ التغيير مطوب في كل خطوة فحياتنا فاذا رأيتن ان طريقك خاطئ وغير مثمر بالنتيجة المطلوبة فقم بتغييره و ابدأ بنفسك .. واذا رأيت ان الطريق الذي تسير فيه خطأ لا تكابر حتي لا تغرق و تقوم باغراق كل من حولك .

شيزوفرينيا العرب

نعم نحن العرب مصابون بالشيزوفرينيا .. انها حقيقبة جميعنا مصابون بالشيزوفرينيا فالجميع يفعل الشئ و نقيده واحيانا نفعل الاثنين بنفس اللحظة .
نعطي النصيحة ونفعل الخطأ في نفس الوقت !! نعرف الحلال وطريقه ونتجهه دائما لطريق الحرام ونفعله !! نحب ونكره في نفس الوقت !!

فمثلا نري العرب يبكون لمشاهده مجاعات افريقيا و مجازر اليهود في فلسطين و غيرها من الكوارث الطبيعية والبشرية وعند الانتهاء من مشاهده الخبر نضحك وناكل و نلهو و نصرف المال وننسي تماما ما كنا نبكي بسببه!!

اتذكر يوم حادثه قطار اطفال اسيوط بكينا جميعا واصابنا الحزن كثيرا وفي الليل كان هناك مبارة لمنتخب مصر وكانت المقاهي تهيص و الناس يفرحون كلما جاء هدف لمنتخب مصر ونسي الجميع حادث الاطفال المؤلم الذي حدث في الصباح.

نري الاب والام يضربون اولادهم ويقومون باهانتهم لانهم كذبوا او اخطائوا وفي نفس الوقت يقوم الاباء و الامهات بنفس الخطأ و يكذبون ايضا!!
 
نري الاخ يضرب اخته لانها تعرف اصدقاء شباب او واقعه في الحب او تشرب سجائر وفي نفس الوقت نجد ان نفس الشاب له اصدقاء بنات وواقع في الحب ويشرب سجائر!!

وغيرها وغيرها من الافعال المتناقضة التي نجدها كلما التفتنا حولنا . انه مجتمع مريض يعيش علي تقاليد وعادات غبيه تحبسه بداخل سجن عتيق .. مجتمع تحكمه المشاعر وليس الافعال ودائما نتبع مبدأ دعونا نشاهد في صمت.

الجنون نعمه يتمناها العاقل !!

اضحك .. العب .. افرح .. ارقص .. سامح .. عيش اللحظة ..متترددش .. اجري .. ابكي .. سافر .. اعمل اللي بتحبه ..  حب الناس .. اتجنن !!
كل ما سبق يتلخص في معني الجنون الذي يفتقده الكثير و يتمتع به البعض بشكل مبالغ فيه و يمارسه البعض  بمنتهي الجنووون والبعض يمارسه بشكل عادي وفي بعض الاحيان فقد.

جميع من يعرفني يقول انني مجنونة .. بالطبع اتضايق احيانا لقولهم ذلك كثيرا واحيانا اعشق كوني هكذا و لست مملة مثل البعض الاخر ولكنني بكل الاحوال افعل ما يخطر ببالي و ما اريده وهذا يعرضني في كثير من الاحيان الي مشاكل انا في غني عنها ولكن بالاخير ابقي سعيدة لانني قد فعلت ما اريد ولم اقل في يوم ماذا لو!

لا يشعر بالنعمه الا فاقدها فقدر نعمتك واشكر ربك قبل ان تفقدها ... فالجنون نعمه يتمناها العاقل 

في رأسي مدينة لا تنام

في رأسي مدينة لا تنام تدق دائما و تزعجني بالتفكير و الحساب و القلق من المستقبل والماضي والحاضر.
بداخلي رأسي كلاب مسعورة تطارد بعضها البعض..
فكلب الماضي يطارد الحاضر و المستقبل و كلب الحاضر يطارد المستقبل و انا اقف متفرجة ع شريط يمر من امامي عيني اريده ان يتوقف فانا لا اريد تذكر ماضي سحيق اكرهه او حتي احبه فانه بالنهاية ماضي وانتهي لا استطيع ارجاعه .
ولا اريد دائما التفكير بالمستقبل و ماذا سيحدث لو لو لو لو فان المستقبل بيد الله وحده.
ان احساسي بالقلق الدائم هذا يرهقني و يجعلني اكرهني !!
اخاف ان ابقي وحدي و لو دقيقة فدائما اكون حريصة بانشغالي باي شئ فكل ما يحدث حولي يجعلني مكتئبة وكارهه للحياة !!!!

لا للزواج

لا للزواج المبني علي المصالح .
لا للزواج البارد المشاعر و الاحاسيس.
لا للزواج بدون توافق .
لا للزواج بدون حب .
لا للزواج بدون رغبة .
لا للزواج الذي يجعل الرجل او المرأة يعيشان حياة تعيسة .

لست ضدد الزاوج ولكن ضدد ان اتزوج شخص لا احبه او لا يحبني و ليس فقد الحب هو شرطي للزواج حيث ان الحب وحده لا ينشئ حياة سعيدة وانما التوافق الفكري و الاجتماعي و توافق الطموح ووجود  الاحترام والثقة و الشعور بالامان والارتياح.

انا لست بفتاة معقدة وانما انا فتاة تريد العيش حياة مريحة   و سعيدة حتي ولو بعض الشئ .
فانا لا اريد ان اتحول الي عبده و العن كل بداية صباح يومي التعيس في حياتي الكريهه فانا الان حرة و افعل ما يحلو لي واذا منعني اهلي من شئ فانا اعلم انهم يرون الخير لي فيه حتي لو ازعجني ذلك و ليس كزوج متسلط احمق يمنعني و يتحكم بي لانه يعتقد انه قد اشتراني بمجرد توقيعنا علي ورقة زواج.

ملاييين العازبات ناجحات سعيدات وملاييين المتزوجات مذلولات مخذولات ..فلا تظني أبداً أن نجاحك مبني على رجل وبمساعدة رجل و لا تلقين بنفسك في جوانب الظلام والعذاب لمجرد ان العادات و التقاليد و المجتمع يريدك زوجة .

العيش و الملح (العيشرة)

هل تعلم لما يستخدم مصطلح عيش وملح للتعبير عن المحبة والصداقة والاخوة والاحترام ؟ العيش يمثل الحياة حيث نعتمد عليه في  الغذاء و  الملح يدل على دوام العلاقة واستمراريتها حيث كان المصري يستخدم الملح فى التحنيط  للخلود للجثة.

ولكن هذا المصطلح اصبح من انتيكات العصر ولا نجد من يفهم هذا المعني ويقدره كما كان يحدث في الماضي, حيث ان ما يحدث الان ليس  الا نهش اللحم مثل الذئاب. لا يوجد من نثق به و لا يوجد من نجده وقت الشدة الي جانبنا ولا نجد من يقدرنا ويقدر ما نفعله لاجله و لا نجد من يحبنا بصدق ويحافظ علي حبه لنا .

نجد الان الصديق و الاخ والحبيب والزوج والاقارب و صاحب العمل و زملاء العمل جميعهم لا يصنون العيش والملح فتجد من ياكل امامك من نفس الطبق ومن خلفك يأكل لحمك و ينهش في سمعتك و يحكي اسرارك, واذا تعرضت لموقف حرج لن تجد من يمد يد العون لك بل ستجد انهم في اغلب الاحيان يقفون ضددك. واذا حدث خلاف بينك وبين احد ممن يعرفون اسرار فتجد اسرارك وحياتك كتاب مفتوح و منشور بين اللسنة الجميع.

 ماذا تردين منا يا دنيــــا هل هذا ما تطلبين منا ان نتعلمه ؟ هل تريدين منا ان نكون بلا اخلاق و بلا ضمير ؟ هل تردين منا تعلم الجشع و الطمع.؟ هل تردين منا ان نكون مخلوقات قذرة في معاملتنا مع الاخر.

مصر بلد الاهمال (ضحايا سانت كاترين)

من كام يوم شفت فيلم فبراير الاسود مكملتوش كله لكن اول حته اللي شفتها كانت العائلات اللي طلعت سفاري و هبت عاصفة رملية دفنت نصهم في الارض و كل شوية يجي زبلات الشرطة يسألوا عن مسئول واسرته و ينقذهم و يقولوا للناس التانية هنجليكوا وفضلوا هناااااك لحد ما انقذهم البدو.

بعد كام يوم في فبراير الاسود برده شفت فيلم تاني بنفس القصة بس فيلم واقعي بقي  حدث بالفعل...  شباب راحوا يعملوا سفاري فجبال سانت كاترين راحين ينبسطوا بجمال وروعة بلادهم تهب عاصفة ثلجية تحبسهم هناك وميعرفوش يرجعوا ولان مكنش معاهم حد مسئول ولا اجانب سابوهم هناك لحد ما ماتوا !!

في بلدنا مصر لو نزلت مظاهرات تتطالب بحقك و تدافع عن الغلابة هتتقتل .
في بلدنا مصر لو نزلت تدافع عن حق اللي ماتوا فالمظاهرات هتتقتل.
في بلدنا مصر لو نزلت تروح المدرسة هتموت تحت عجل القطر.
في بلدنا مصر لو ركبت القطر نفسه هتموت .
في بلدنا مصر لو روحت ماتش تشجع هتتقتل .
في بلدنا مصر لو ابنك او بنتك خرجوا يلعبوا  هيخطفموهم و يغتصبوهم ويقتلوهم والمجرمين هيطلعوا احداث .
في بلدنا مصر لو طالع تتفسح هتموت عشان انت مصري مش اجنبي ولا مسئول.
في بلدنا مصر لو انت دكتور وبتعالج مرض خطير هتوت من العدوي.
في بلدنا مصر هتموت من الجوع ومن البرد ومن الفقر ومن الاهمال.
في بلدنا مصر انت عايش ميت اصلا.

امضاء / قتيلة تحت الطلب.

الصراع بين الحلم و الكرامة و لقمة العيش

الحلم .. الكرامه ... لقمة العيش
باي منهم تهتم اكثر؟ ايا منهم هو مبدأ حياتك؟
هل تعلم ان مبدا حياتك و اهتمامك باحدهم سوف يختلف من فترة لاخري وفقا لمراحل حياتك !!

ففي الصغر عند مرحلة الجامعه او الثانوية سوف تهتم بحلمك الجميل بحيث تقوم بوضع امال و خطط و تتطلعات لتحقيق حلمك و لن تري او تفكر في كم المشاكل الواقعية التي سوف تواجهها وانما سوف تري الحياة وردي و انها سوف تكون ملائمة تماما لتحقيق حلمك بل سوف تساندك.

ولكن فور التخرج لن تري هذا الخيال الرائع عن حلمك لانه سوف يتحطم عي صخور الواقع المرير ويصغر حتي يختفي لان كل ما رسمته غالبا ما سيحدث لك عكسه كما انك ستحبط و تحزن ولكنك سوف تهتم كثيرا بكرامتك و لن تقبل السكوت امام اي من هولاء الراسمالين الذين يقتحمون حلمك بكل وحشية و طمع و استغلالك وتحطيم احلامك و لكن التفكير بحلمك سوف يتلاشي.

ثم يبدأ التفكير بالكرامه و و القيم يقل شئ فشئ حين تبحث عن لقمة العيش حين يتحول اهتمامك بالفلوس من اجل لقمة العيش والبقاء سوف تتحمل كل ما تعانيه من البشر والحياة لانك كاب مسئول عن اسرة واجب عليك توفير المأكل والمشرب .. سوف تخاطر و تعافر لتوفير شقة مريحة لخطيببتك و توفر لها ما تتمناه وانتي كزوجة مسئولة مع زوجك علي تكبير هذا البيت و مثل الاقوال "بنحط قرش علي قرش".

ثم يرجع العد التنازلي مرة اخري حين تصل لمرحلة الكبر في السن  و يزداد تمسكك بالكرامة فلن تقبل في سن الاربعين او الخمسين بتحكم احد بك او تسلطه عليك و تتنازل عن لقمه العيش في مقابل لقمة العيش و عند ذلك الوقت تتمسك بحلم مختلف عن حلم الصغر  .. حلم تزويج اولادك او حلم العمرة والحج وارضاء الله .. الخ .

في الخلاصة حاول ان تكن قويا وذكيا كفاية لتقف امام الدنيا بمصاعبها و عقابتها فبقدر بساطتك .. تكون سعادتك .

#عن تجربة شخصية وتجارب من حولي

ملعون ابو الواقع

كنت بفكر اكتب حاجه عن حب الناس لبعض وان الناس لازم تحب بعض و تقرب من بعض وتنسي الخلافات والكره لكن مع اول كلمة لقيت نفسي هكدب وهكتب كلام مثالي مش واقعي.
اول كلمة كنت هكتبها ليه بنكره بعض والحياة هنعشها مرة واحدة لازم نسامح و ننسي ونحب بعض ونفرح احنا هنعيش مرة واحدة !!
لكن لقيت ان انا شخصيا بكره ناس و بحقد علي ناس بلوم ناس وبعاتب ناس وكارهه حياتي ازاي ممكن اكتب حاجة مش واقعية.

لو جينا اتكلمنا فالجزء السياسي هنلاقي ان من الطبيعي جدا كل جهه تكره التانية يعني مثلا الثوار بيكرهوا باقي الشعب عشان شايفين هما بس اللي يستحقوا الافضل لانهم قاموا بالثورة وضحوا باصحابهم وحبايبهم والفلول بيكرهوا الثوار والاخوان عشان كسروهم وخدوا حاجات كتير من تحت ايدهم . والاخوان بيكرهوا باقي الشعب عشان بعد ما وصلوا للكرسي وبقوا حاجة رجعوا تاااني ولا حاجة بسبب غبائهم اللي مش معترفين بيه حتي.

اما بقي علي المستوي الشخصي فانا بجد في ناس بكرهها اووووي لانهم بجد ازوني و في ناس  بنافقها وفي ناس اعرفها كدا وخلاص و في ناس شايله منهم كتير ومش عارفة اعبر عن دا ليهم و من كتر ما اتوجعت من صحاب وحبايب مبقاش عندي ثقه فحد و دايما شاكه فاللي حواليا انهم بيكدبوا و بيمثلوا.
انا عايشة كدا وخلاص بتمني اكون حد تاني فحياتي وشغلي واكون فمكان مختلف ووقت مختلف ,و فالوقت اللي عايزة البس فيه فستان ابيض وافرح بكره الفكرة لمجرد اني خايفة ان الحد اللي هكمل معاه حياتي هيطلع زباله و هعيش فهم وغم.

احيانا بعمل غير اللي انا عايزه لمجرد ان اللي انا عايزه مينفعش اعملوا او هو امر واقع لازم اعمل كدا, بكره تصرفات كتيير بعملها و بكره طريقتي فحاجات كتير مثلا ببقي مضطرة اضحك فعز حزني عشان مبينش اني زعلانه وابان قوية واحيانا ببقي مضطرة اسكت عشان مزعلش ناس قريبة مني واحيانا بمثل اني ضعيفة و حزينة لمجرد ببقي محتاجة حد يطبطب عليا و احس بحنية حد عليا.

انا عندي عالم خيالي عايشة فيه مع ناس خيالين فدنيا خيالية بتاعتي و فكون تاني بكون فيه مع نفسي وبس لكن فلحظة برجع للواقع اللي مش هقدر اقول عليه الا الحمد لله.

عن فيلم الميدان

لما سمعت عن فيلم الميدان قلت عادي ماهو كدا كدا هيعرض اللي كنا بنشوفوه هيبقي فاكس لكن من اول لحظة لما جاب تعذيب امن الدولة حسيت انوا مختلف و علي اخر الفيلم فهمت هو ليه مختلف.
عشان الروح اللي فيه روح حقيقة من جوا الميدان من الناس اللي بجد نزلت مش تمثيل ولا حدوتة بتتقال او يمكن علشان شفتوه فالوقت اللي كلنا بقينا بنكره بعض فيه و بقينا بجد محتاجين اووي الروح اللي كانت فثورة 25 يناير عشان نعدي بالبلد و بينا من اللي بقينا فيه.

علي فكرة انا منزلتش ثورة يناير .. تعرفوا انا منزلتش ثورة يناير ليه؟
اولا طبعا لان كان معمول عليا حجر من ابويا لعدم النزول.
ثانيا اني كنت ضدد الثورة جدا وكنت شايفه زي ما كل اللي كان فالبيوت شايف دول شوية عملاء عايزين يخربوا البلد ويخلوها زي العراق ولابلابلابلا اللي كلكوا عارفينوا لحد بعد خطاب مبارك التاني بتاع يانا يالفوضي وتاني يوم حصلت موقعه الجمل ابتديت افوق خاصة ان الفترة دي النت رجع وعيني فتحت علي حاجات كتير مكنتش شايفها من الاعلام.
وابتديت ابقي مع الناس دي روحا علي الاقل بس كان لسه جوايا متردد لحد يوم ما مبارك مشي فرحت فرحة معرفش ليه ولا ازاي دمعت و اتحيلت علي بابا ننزل الشارع زي الناس وطبعا رفض كالعادة.

عارفين ليه انا مكنتش مع الثورة من اول يوم !! لان مكنش ليا فالسياسة ولا كنت فاهمه لا فالطور ولا الطحين دا كمان كنت ناوية لما اتخرج اخد كورسات مع شباب المستقبل عشان الحزب الوطني يشغلني بس انا فعلا مكنتش فاهمه لا فساد ولا ظلم ولا ولا كنا عايشين ولما كان بتحصل رشاوي او محسوبية او وسايط قدامي كان دا الطبيعي يحصل مش حاجه غلط مكنتش بفكر فسياسية والبلد وكنت كمان بدور علي فرصة تسفرني بره مصر.

بس بعد 25 يناير فهمت وفتحت زي كل المصريين ومكنش ينفع حد يرجع يغمضلنا عنينا تاني ودا اللي المجلس العسكري مفهموش و استغبي حاول بكل غبائه يقمع وبدفن ورود الحرية اللي فتحت فمصر من قتل وتعذيب و سجن و ترهيب زي ماشفتوا فالفيلم و لما لاقي مفيش فايدة من محاربته لينا عشان يرجع نظامه القديم القذر عمل صفقه اقذر مع الاخوان و لبس الشعب فجماعه ارهابية غبية .

ومن غباء الاخوان جابوا اغبي واحد فيهم مسكوه الرياسة فضحونا وعرونا قدام العالم كله كرهوا الناس فيهم اكتر واكتر و خلوه الناس تنزل ضددهم و تحلل قتلهم وتفرح لفجعتهم و تعذبهم لانهم حللوا دا لينا و كفرونا و باعونا و باعوا مصر وباعوا الثورة فمقابل جامعتهم الغبيه اللي كان عندهم فرصة ذهبية يكسبوا حب الشعب وثقتهم ويقفوا مصر من بعد الثورة و يكملوا تجمعينا ايد واحدة.

لكن الاخوان فرقونا مبقناش بس متفرقين مسحيين ومسلمين لا بقينا مسحيين ومسلمين و اخوان و سلفين و ملحدين و لبراليين اتقسمناااا و بقينا فشبه حرب اهلية .
ااااااااااااه يا مصر اااااااه يا شعب اااااه يا مستقبل ضااااع ااااهيا حلم كان نفسنا يتحقق ومااات مع اللي حلموا بيه وماتواا  يا بلدي اااااه !!

وانت بتتفرج علي فيلم الميدان هتحس بكل المشاعر بفخر بخوف حزن الم كره غضب حب و لوم .. انا حسيت كل دا خلال الساعتين الا تلت في فيلم الميدان !!