السبت، 29 سبتمبر 2018

الحياه ليست عادله !!


ما الحياه الا مجموعه من الصدمات والانتكاسات التي نمر بيها من حيت لاخر لتذكرنا بنقصنا .. لتذكرنا بضعفنا .. او من الممكن  !!ّّلتذكرنا بالله 
!!

في اعتقدي ان محن الحياه التي نمر بيها هي طبيعيه فلقد خلقنا لنعاني ليختبرنا ليري من منا يتذكره ومن منا يهابه ومن منا يحبه 
!!

كل من جلست معهم يعانون من مشاكل نفسيه اواسريه اوعاطفه اوماليه واحيانا كل ما سبق  فاتسال لماذا يا الله ., لما كل هذا الالم والمعاناه ؟ لما كل هذه الحروب والقتلي ؟ لما كل هذه الحروب الداخليه التي نمر بيها..
  مؤخرا لاحظت ان حتي الذين هم علي مقربه من الله يعانون اكثر.
اذا فليس التقرب منك راحه ؟ فالقريب منك كالبعيد عنك !!

اعلم ان في بعض كلامي كفر ولكن هذه الاسئله تدور في مخيلي واهمهم لما الحياه ليست عادله لما لا تكافاء الطيب و تعاقب الشرير لما يموت من لا يستحق الموت و يعيش من لا يستحق الحياه.
ولكني اجد الرد في سوة الكهف من الايه 65 الي الايه 82.
وكيف تصبر علي ما لم تحط به خبرا!!
هو ليه تدبيره اللي احنا مش فهمينه ومش عارفينه ومش شايفينه.

علشان كدا اللي قبلينا بيقولوا السعاده في الرضا .
اتخنت ,فرحت, زعلت. سابك حد . مات لك حد , خسرت, كسبت , مش فاهم !!
ارضي ارضي باللي ربنا كتبه علشان هو عارف بيعمل ايه.
هو شايف وعارف وحاسس و فاهم بيعمل ايه
.
اضحك في الفرح مره و في الحزن الف مره.
دايما قول لا حول ولا قوه الا بالله خليها في قلبك وفي بالك و في عقلك علشان هو اللي دخلك محنه وهو اللي هيخرجك مننها.
مره كنت ضايمه وتعبانه وجعانه اوي ولقيت نفسي بصبرني ان المغرب هياذن كمان ساعتين اصبري و بقي قوتي في الايمان ان المغرب هيادن وهاكل ودا اداني تحمل كافي اني اكمل.
وغالبا دي كانت اول مره احس معني الصيام بالشكل دا و بقيت كل مره اقع في مشكله اقول المغرب هياذن و هافطر استحملي.

اللهم لك الحمد كما ينبغي لجلال وجهك وعظيم سلطانك.

الثلاثاء، 26 ديسمبر 2017

سنه 2017

سنه 2017!!
بصوا الحمد لله السنه اجماليا حلو يعني لا قلب اتكسر و لاخسرت حد عزيز ولا فقدت حاجه مهمه .
اعتقد من اميز اللي حصل في السنه دي اني سبت ديارنا و اتحركت من المكان اللي كان بقالي فيه 3 سنين.
وكمان جبت العربيه واتعلمت السواقه واخويا اتجوز و عملت فلوس حلوة.

شكرا 2017 انك كنتي سنه الحمد لله كويسه.


الجمعة، 9 ديسمبر 2016

سنه 2016 !!

سنه 2016 من اكتر السنين الغريبه اللي مرت في حياتي .. سنه غريبه في اللي حصلي واللي اتحولت ليه واللي حصل لناس حوليا
مقارنه بالسنين اللي فاتت فهي فعليا سنه احدثت تغير كبير في حياتي

مبدأ السنه بدأت باحسن حاجه حصلتلي في عمري كله #العمره <3 p="">العمره بالنسبه لي مش مجرد حاجه اتمنيت اعملها بقالي فتره ولا كونها غيرت من طبعي و لبسي و شخصيتي للاحسن ولا كوني قربت من ربنا اكتر واكتر و حبيته اكتر ..
العمره  كانت سبب .. سبب بدور عليه علشان اتغيير لاني فعلا كنت زهقت مني و من حياتي و من اللي حواليا و من اللي بيحصلي .. العمرة كانت سبب لعدم كرهي للحياة و عدم كرهي لقدري .
حبيت نفسي من تاااني بعد ما رحت و حسيت اني نضفت من جوايااا
العمرة احسن حدث حصلي في حياتي ..

بس الطبيعي ان ربنا بيختبرنا بحاجات صعبه علشان يشوف مدي قدرة علي التجمل والصبرو من مجرد ما رجعت ما بين تريقه وانتي مش هتستمري و شيخه يارا .. الخ الخ
كان في اختبار اصعب اني ابتدت اخسر حاجات كتير منهم الجنون اللي كنت بتميز بيه و روحي الخفيفه بقي فعلا دمي تقيل و سخيفة ابتدت اخسر ناس كتير قريبين مني اوي او يمكن يكون ربنا ظهرهم علي حقيقتهم في الوقت المناسب و شغلي ابتدي لفتره يتضر فعلا بسبب اشخاص كتير و ابتدت في حاله من الاكتئاب و ليه يارب
و ابتدت كلمه كل دا حصل لما اتغيرتي و قربتي من ربنا تحوم حواليا بس انا موقفتش وكنت بقع و بقوم لوحدي محدش كان سند ليا و لا ضهر زي قبل كدا .. كنت فعلا انا وربنا وبس
كان يزقني يوقعني فحاجات صعبه و يشوف قدرتي علي تحمل وكنت قد الاختبارات و بقت كلمه الحمد لله علي لساني و في قلبي في كل وقت و في كل موقف و بجد بقيت راضيه تماما عن كل اللي بيحصل الوحش قبل الحلو #الحمد_لله

و يجي بقي جوايز نجاحي في الصبر . واذ فجأءه و بعد 3 شهور تقديم في التطوع ل 57357 يكلموني و يقوليلي اتقابلتي و ابدأ احلي رحلة في حياتي و اللي مكنتش بحس اني عايشه الاوانا بلعب مع الاطفال دول .. مهما وصفت عالم 57 محدش هيتخيل ايه اللي بحسه و بعيشه هناك .. انا فعليا مبقتش عارفه مين بيعالج مين ولا مين بيسعد مين هما ولا انا !! بيدولي قوة فوق ما حد يتخيل .. و بالرغم من وجعهم و المهم الا ان ضحكتهم و شقاوتهم مش بتفارق وششهم .
دعوة ام ليا لما اضحك ابنها او اخلي ينتها تمشي بعد ما كانت راقده ايام او اني يتقالي ان  الطفل دا ماكلش بقالوا كام يوم و جيتي انتي اكلتيه و كلمه ربنا يجازيكي خير و لا ان طفل بيستناني كل اسبوع علشان اجي اقعد معاه .. بجد 57357 حياة تحب تعيشهاااا هما اللي بيعالجوني مش انا اللي بعالجهم بحد .. ربنا يشفيكووااا يا حبايب قلبي ويعفي عنكوا .

و الجايزة التانيه كانت  #السفر و دا من اكتر الحاجات اللي اتمنتها في حياتي و رحلة دهب الغريبه العجيبه بكل ما فيها و لان ربنا بيكتب دايما الخير .. يقوم ربنا مبوظ الرحلة من عنده و يخليني اتعرف و اقرب من ناس كتيره جديدة و اعرف اني لسه ممتوش واني قارده اندمج مع الناس و اعيش واتعايش من تاني ورجعتلي ثقتي بنفسي من تاني <3 nbsp="" p="">
ورحلة ورا رحلة و خروجه ولا خروجه و تجارب كتير جديده زي التزحلق علي الرمل و حرب الالوان و طلوع جبل سانت كاترين  و الشعور بدرجه التجمد  و السنوركلينج و رؤية احلي واجمل خلق الله و تجارب كتير جديدة و ممتعه

و تخلص السنه بان شغلي بدأ يرجع لرونقه مره تانيه و ابتديت اتحسن فيه و احبه بعد ما كنت كرهته فعلا بسبب كل اللي حصل فيه و بردوا لسه بقول الحمد لله .

سنه 2016 هي السنه الغريبه في حياتي بجد .. اغرب سنه فعلا عشتها يعني حصل احلي و اوحش احداث في حياتي مش هقدراقول انها سنه حلوة و لا اقدر اقول سنه وحشه بس اللي هقولة ربنا يطلعنا منها علي خير و كل سنه وانا لله اقرب واقرب و الحمد لله علي كل حال <3 a="" p="">

الثلاثاء، 11 أكتوبر 2016

اليوم العالمي للفتاة

جريمتي الكبرى .. أنني امرأة حرّة في زمن لا يريدون فيه إلا الجواري والعبيد، ولدت بعقل يفكر في زمن يحاولون فيه إلغاء العقل فإن قلة عدد النساء والفتيات المهتمات بعقولهن، هي ظاهرة موجودة في المجتمع العربي وهي ظاهرة لا تدل على أن المرأة ناقصة عقل ولكنها تدل على أن التربية التي تلقتها البنت منذ الطفولة، تخلق منها إمراة تافهة التفكي فقد يصبح الرجل المتمرد أو الثائر بطلاً شعبياً يحترمه الناس، لكن المرأة الثائرة المتمردة تبدو للناس شاذة غير طبيعية أو ناقصة الأنوثة  , حطمي قفل الدرج وأكتبي في النور، إغضبي وثوري ولا تستكيني فان الشخصية الناضجة هي وحدها التي تستطيع أن ترغب الحرية وتسعى إليها دون أن تخشاها ، فالحرية تخيف الإنسان غير الناضج غير المستقل.
واعلمي جيدا ان الإنسان يفقد كرامته حين يعجز عن الإنفاق على نفسه  وان الرجال لا تحب إلا تلك التي تؤلمهم.
#مقتبسات من مقالات #نوال_السعداوي
#اليوم_العالمي_للفتاة

#International_Day_of_the_girls

الأحد، 2 أكتوبر 2016

ask.fm

كان في سايت اسمه ask.fm انا كان عندي اكونت عليه و كنت بدخل عليه ع طول بس بقالي اكتر من سنتين مدخلتش عليه وانهارده معرفش ليه افتكرته وفتحته واتفاجئت بردود ليا انا مش مصدقة اني كنت برد كدا ولا دي انا بجد !!

انا فعلا اتغيرت واتغيرت اووووي كمان عندكوا حق بس اتغيرت للاحسن و بجد انا مبسوطة وراضيه عن نفسي 100% الحمد لله .
والزمن لسه هيعلمني و لسه هتغير .

و صدقوني ميهمنيش رايكوا فيا ولا رضي الناس عني و لا بكره هكون ايه ولا فين ولا كون الناس شيفاني شيخه ولا بمثل ولا اني مش حقيقة ولا اني يومين و هرجع زي الاول ولا كل الهري اللي بسمعوا من قدامي و من ورايا .

بس بجد رضي ربي عليا دي الحاجه الوحيده اللي هفكر فيها دائما وابدا .
#اللهم_لك_الحمد #اللهم_رضاك_والجنه #انا_انشكحت_اوووي  

الجمعة، 30 سبتمبر 2016

10 حقائق من ارض الواقع

1 - الاصحاب مش دايما بيكونوا سند احيانا بيكونوا هما القشه اللي بتقطم ضهرك خاصة انهم بيكونوا عارفين عنك كل حاجه ممكن تكسرك (بلاش الثقه العمياء دي).
2- الجواز مش كله حب و كلام معسول و لا بردوا كله مشاكل و خناق .. هتلاقي من دا ع دا زي اي حياة (فمتستعجلوش).
3- السنجل مش معقد و لا بينفسن ع المرتبطين بالعكس بقي دا دايما اللي متجوزين بيحسدوه ع راحة باله اللي عايشها (استمتعوا بسنجلتكوا و سيبوه في حاله).
4- المثل اللي بيقول سيب البنت تحبك و حب البنت تسيبك دا حقيقي بس في نفس الوقت الولد ميحبش البنت المدلوقه و بيحب البنت اللي بتتقل وتتنك عليه (ودوخيني يا لمونه).
5- البنت بتعجب بالولد الجان اللي البنات هتموت عليه ويعرف ميت واحده بس لما تتجوزه بتبقي عايزها ليها لوحدها و في الاخر تقولك دا خاين (طب ما حضرتك وخداه خاين و بتاع بنات اصلا).
6- الراجل بيحب الست المتحضره في لبسها و افكارها و حياتها وبتحب السفر و الخروج و ليها صحاب كتير بس مش عايزها تكون من اهل بيته ولا بنته و لا مراته و لا اخته و لو حصل و اتجوزها بيقلب حياتها يقفل حياتها عليه و في الاخر يقلك دي نكدية و كئيبة واتغيرت.
7-  في اي علاقة بين اتنين  الطرف اللي  بيسيب بعد فتره بيقول ازاي انا سيبتها او سيبته  و بيحاول يرجع لكن الشخص اللي بيتساب في العلاقة بعد فتره بيفوق و يقول ازاي انا ارتبط في يوم بالشخص دا و استحالة يرجع.
8- مفيش حد مرتاح في شغله و مفيش زمايل في الشغل بيتمنولك الخير كله بينفسن علي كله و مفيش مدير في الشغل هيهمه حاجه من اللي بيشتغلوا معاه اللي مصلحته منهم .
9- العيال اللي بتخلفوهم دول كل ما بيكبروا كل ما مشاكلهم و همهم بيزيد ومش دايما بيكون عندهم ولاء ليك ع تربيتك ليهم.
10- كلنا عايزين نعيش عيشه كفار بس نموت موتة الصحابه.

الأربعاء، 31 أغسطس 2016

الندم

الندم ..
الندم هو اكثر المشاعر القاتله التي واجهتها حتي الان ،فما اصعب الشعور بندم علي اشياء فعلنها يوما ما اوفي بعض الاحيان الندم علي اشياء لم نفعلها !!
هل تعلمون ان هذا الشعور قد تسبب في بعض الاحيان الي اذي نفسي و جسدي و احيانا الي الموت - انتحار في معظم الاحيان-!!
فما بالك اب او ام اجبرت ابنها او ابنتها بالزواج من شخص لم يرغب به ثم يحول هذا الشخص الاناني حياتهم  الي جحيم بسبب الغرور و حب الذات ؟!! انه شعور قاتل بالفعل.
ما بالك بامراءه احبت رجل و تنازلت عن حقوقها وخسرت اهلها لترضي ذلك الرجل المستغل فحول حياتها الي جحيم و يقوم باذلالها ع كل ما فعلته له بدافع الحب !!؟ انه شعور قاتل بالفعل .
ما بالك بصديق او اخ او اخت او جار يثق باخر ثقه عمياء بحيث يفضله علي نفسه في كثير من الاحيان و يكون بجواره في الضراء قبل السراء ليجد نفسه وحيدا عند الحاجه لذلك الاخر و الاصعب ان ينكر بل و يمحي كل ما قدمه له !!؟ يالها من انانيه ؟!! انه شعور قاتل بالفعل.
وما اصعبه شعور فتاه او فتي مرت حياتهم بدون استمتاع و انشغلوا في الدراسه و العمل حتي مر بيهم قطر الحياة او تزوجوا مبكرا فلم يروا في الحياة سوا اشياء محدودة و العكس ايضا قاتل فكم من فتاه و فتي فعلوا اشياء كثيرة و مروا بتجارب كثيره حتي قتلت روحهم ووجدوا نفسهم بعد عمر مضي نادمين ع اشياء كثيرة فعلهوها لم تكن بقدر ما فقدوه.
الندم بالفعل قاتل و لكن لكل فعل سبب ونحن كبشر ادراكنا للامور الحياتيه محدود فنري ما نريد فقط و النظر لما فعلنا او لم نفعل يكون من منظورنا ورؤيتنا الصغيره فقط انا اعلم جيدا انه الله هو من دبر لذلك انه ادري واعلم و اشمل لما لا نفهمه وان الكثيرين سيقولوا انه يجب الرضا بما كتبه الله لنا ولكن هذا الاحساس لا استطيع التحكم فيه !!
انا لا اعلم ما الحل للندم فانه لشعور قاتل و هو ابغض المشاعر التي مرت بي حتي الان ..