ام اشرف ... الست دي الفقر والمعاناة اخدوا من حياتها اكتر ما عاشت معني السعاده , ست يتقال عليها بجد بالف راجل مش زي الرجاله الاستك بتوع اليومين دول, الست دي حالها زي ناس غلابة كتيييييييييير فالبلد.. بتقضيها باي لقمه وتحمد وتشكر ربها وممكن ايام متلقيش اللقمه دي حتي .
الست دي مش لاقيه فلوس تدفع تمن الاوضه اللي عايشه فيها هي و بنتها وابنها ومراتو .. نفسها فالبطاطس بس الكيلو بـ 6 جنيه تجبيهم منين وبالرغم من الغلب دا كلوا الا انها حرة شريفة ليها رأيها وحبها لبلدها متهزش ولا تقولك عايزة اهاجر ولا تقولك يلعن دي بلد قالتها كلمه : "مش مهم اكل ولا اشرب المهم مصر وجيشنا بخير" اللـــــــــه عليكي يا ست الكل.
الاخواني اللي ولا يسوي ضفر من رجل الست دي ضربها بالقلم لمجرد شدت ايدوا نزلت علامه
رابعه العلامه الماسونيه اللي رافعها وربنا كرمها هتعمل عمره وجالها
تبرعات و شهريات وهتعمل حج باذن الله السنه الجايه .ايها الاخوانى ...
أهنتها فأكرمها من لا تضيع عنده الحقوق .
ام اشرف مقبضتش فلوس عشان تنزل تدافع عن الجيش ولا عشان ترفع صورة السيسي هي بتقول اللي جواها ومقتنعه بيه بالرغم من اختلافي معاها فبعض ارائها بس بكل اسف هي دي لسان الشعب المصري هي دي النسبه الاكبر فالبلد مش انا ولا نشطاء السياسين ولا بتوع حقوق الانسان هما دول الشعب المطحون والمعجون. الشعب الطيب العاطفي اللي بيحب اي حد لدرجه العبودية وبطيبته بيتحول الشخص اللي بيحبوا دا لفرعون جبار و اول ناس بياكلهم ويدوس عليهم هما الشعب الغلبان دا.
يـــــــا ام اشرف طول ما انتي واللي زيك فبلدنا عمر مصر ما هتقع ولا تنكسر ... تحيا بلادي ويحيا شعب بلادي :)
ليست هناك تعليقات:
إرسال تعليق