انهارده اول مرة اعمل حاجات كتـــــــــــــير ....
اول يوم امشي فالبلد بتاعتنا لوحدي كنت خايفة عشان انا بالنسبة للبلد غريبه وكلو كان بيبصلي و لبسي مختلف وعلي حسب قولهم "لبس راقصين" بالرغم انو لبس عـــادي جدا بس عدت علي خير و عرفت الطريق ورحت لحد المحطة وركبت عشان كان عندي جوله سياحية فمصر القديمه :)
اول يوم اتعرف علي مجموعه صحفيين ومصوريين ومثقفين و رحنا اماكن جميلة بجد في مصر القديمة و عرفت معلومات كتيييير عن بلدي ومناطق فالبلد ... منكرش اني حسيت بغيرة وحقد عشان هما عارفين حاجات كتييير معرفهاش عن بلدي :D
و اول يوم ادخل كنيسه "كنيسة السيدة بربارا" وروحت المتحف القبطي اللي عجبني ان تقريبا كـــل اللي كانوا معانا مسلمين بس كانوا حبين اوووي يتعرفوا علي الحاجات دي وكنا مبسوطيين وبنسال.
عجبني كلمه من المرشد اللي كان معانا قلها حاسيت بفخر وانشكاح كده لما الامن بيقولوا قولهم التعليمات قالو انا قلتلهم وبعدين متخفش دي حاجتنا اكيد هنحافظ عليها :) ... تحيا مصر بجد.
و اول يوم ادخل المعبد اليهودي وبصراحه منبستش هناك بما اني بكره اليهود خلقه لكن الاسوء ان في راجل وست مشرفين هناك اسلوبهم وحش اوووي معانا عصبية وزعيق بالرغم اننا كنا ملتزمين بالتعاليم معرفش هما يهوديين ولا مسحيين ولا مسلمين بس مقعدش جوا كتير وخرجت من الخنقه منبصتش.
واول مرة اروح مسجد عمر بن العاص مــاشـــاء الله بجد حاجه وااااو ..اول جامع فمصر وافريقيا حاجه فخيمة كدا تحس بفخر لدينك وانتماءك اقوي ليه وصليت الظهر هناك كمان.
وانتهي اليوم اني اكل كشري فمحل معفن والاكل كان طعموا مش حلو خااالص بس كلتو بردك عشان كنت ميته من الجوع :D
كان يوم حلو ومختلف غير عاداتي وتقالدي بس حلو التغيير دا
ماشي يا بتاعت مدينه نصر :D :D :D :D
ردحذففين مدينة نصر دا هو بعد الكشري اللي كلناه فيها مدينة نصر خااالص :D
ردحذف